CYCLOHEXYL ISOCYANATE ICSC: 0856 Oktoba 1997

Isocyanatocyclohexane Isocyanic acid cyclohexyl ester CHI

CAS # 3173-53-3 C7H11NO / C6H11-N=C=O RTECS # NQ8650000 Masi ya molekuli: 125.17 UN # 2488 EC #

AINA ZA HATARI / MFIDUO	MADHARA YA PAPO HAPO / DALILI	KINGA	HUDUMA YA KWANZA / UZIMAJI MOTO
MOTO	Huungua. Hutoa moshi (au gesi) wenye kukereketa au wenye sumu ukiwa motoni.	Usiwashe moto, usiwashe cheche, usivute sigara.	Povu, povu linalokinza alkoholi, poda kavu, dioksidi kaboni, mchanga mkavu.
MLIPUKO	Mvuke/hewa mahuluti inayolipuka huweza kufanyika inapovuka 48°C.	Mfumo funge wa zaidi ya 48°C, uingizaji hewa, na vifaa vya umeme visivyolipuka. Zuia mlimbiko wa chaji za umemetuamo (k.m. kwa kutuliza).	Utokeapo moto: poza mapipa n.k. kwa kunyunyizia maji BILA (vilivyomo) kugusa maji. Zima moto ukiwa mahali pa usalama.

MFIDUO		EPUKA MGUSANO WOWOTE!	KWA HALI YOYOTE MWONE DAKTARI!
Kuvuta pumzi	Mchomo. Kikohozi. Kuumwa kichwa. Kupumua kwa shida. Kukosa pumzi. Kuumwa koo. Dalili zinaweza kuchelewa (tazama Vidokezo). (Tazama Kumeza).	Uingizaji hewa, mtambo wa kutolea nje, au kinga ya kupumulia.	Hewa safi, mapumziko. Pumulisha yaweza kuhitajika. Mpeleke kwa matibabu.
Ngozi	Wekundu.	Glavu za kinga. Mavazi ya kinga.	Vua nguo zilizosibikwa. Suuza ngozi kwa maji mengi au oga. Mpeleke kwa matibabu. Vaa glavu za kinga unapotoa huduma ya kwanza.
Macho	Kutoa machozi. Wekundu. Maumivu. Kiwaa. Kuungua kunakopenya sana.	Kingao cha uso, au kinga ya macho pamoja na kinga ya kupumulia.	Kwanza safisha macho vizuri kwa dakika chache (ondoa lenzi mboni kama inawezekana kuziondoa kwa urahisi), kisha mpeleke kwa daktari.
Kumeza		Usile, usinywe wala kuvuta sigara ukiwa kazini.	Mpe tope chujio la mkaa ulioamilishwa katika maji anywe. Usimtapishe. Mpeleke kwa daktari.

KUSAFISHA MWAGIKO	UFUNGASHAJI / UWEKAJI LEBO
Shauriana na mtaalam. Uingizaji hewa. Kusanya kioevu kinachovuja na kilichomwagika katika vyombo vilivyozibwa kadri inavyowezekana. Fyonza kioevu kilichosalia katika mchanga au kifyonzi ajizi na kisha peleka mahala pa usalama. Usielekeze kwenye mfereji wa maji machafu. (Kinga ya ziada ya binafsi: nguo kamili za usalama pamoja na vifaa vya kupumulia vilivyo toshelevu).	Usisafirishe pamoja na vyakula au malisho. Ainisho ya EU Ainisho ya UN Ainisho ya UN ya Hatari: 6.1 Jasara tanzu za UN: 3 Kikundi Ufungashaji cha UN: I
HATUA ZA HARAKA	UHIFADHI
Kadi ya Dharura ya Usafiri: TEC(R) - 625	Isodhurika kwa moto. Kinachotenganishwa na vioksidishaji vikali, besi kali, asidi kali, vyakula na malisho. Kavu. Weka katika chumba chenye uingizaji hewa mzuri.
IPCS International Programme on Chemical Safety Imetayarishwa katika muktadha wa ushirikiano kati ya Mpango wa Kimataifa kuhusu Usalama wa Kikemikali na Tume ya Jumuiya za Ulaya © IPCS, CEC 2005 TAZAMA TAARIFA MUHIMU ILIYO NYUMA

CYCLOHEXYL ISOCYANATE ICSC: 0856

DATA MUHIMU
HALI MAUMBILE; INAVYOONEKANA: KIOEVU KISICHO RANGI CHENYE HARUFU KALI. HATARI KWA MWILI: Mvuke huu ni mzito zaidi kuliko hewa na huweza kusafiri ardhini, uwakaji wa mbali unawezekana. HATARI ZA KIKEMIKALI: Dutu hii huweza kupolimisha kutokana na kukanza na kwa kuathiriwa na kemikali za aina mbalimbali hata nomino ambatani ya oganiki ya madini (organometallic compounds). Dutu hii hutengana inapochomwa huzalisha mafusho yenye sumu (sianidi hidrojeni, oksidi za nitrojeni). Humenyuka ikiwa na vioksidishaji na besi kali, maji, alkoholi, asidi na amini. VIKOMO VYA MFIDUO WA KAZI (OELS): TLV haifahamiki.	NJIA ZA MFIDUO: Dutu hii huweza kufyonzwa ndani ya mwili kwa kuvuta pumzi na kwa kumeza. HATARI ZA KUVUTA PUMZI: Hakuna ashirio linaloweza kutolewa kuhusu kima ambacho ukolezi unaodhuru hufikiwa kutokana na uvukizi wa dutu hii ifikapo 20°C. ATHARI ZA MFIDUO WA MUDA MFUPI: Inayotoza machozi. Dutu hii inakera macho, ngozi na njia ya upumuaji. Tazama Vidokezo. ATHARI ZA MFIDUO WA MUDA MREFU AU UNAORUDIWA: Mgusano unaorudiwa au wa muda mrefu huweza kuhisisha ngozi. Kuvuta hewa kwa kurudia au muda mrefu huweza kusababisha pumu (tazama Vidokezo).
TABIA ZA KIMAUMBILE
Kiwango mchemko: 168°C Uzito wiani (maji = 1): 0.98 Umumunyifu katika maji: mmenyuko Uzitowiani wa mvuke (hewa = 1): 4.3	Kiwango cha kumweka: 48°C c.c.
DATA YA MAZINGIRA
VIDOKEZO
Kutegemeana na kiasi cha mfiduo, upimaji wa kitibabu wa mara kwa mara pendekeza. Aghalabu dalili za pumu hazijitokezi mpaka baada ya masaa kadhaa kupita, nazo hushitadi kwa kazi za sulubu. Kwa hiyo mapumziko na uchunguzi wa kitibabu ni muhimu. Mtu yeyote aliyeonyesha dalili za pumu kutokana na dutu hii kamwe asigusane na dutu hiyo tena. Hakuna data za kutosha kuhusu athari za dutu hii kwa afya ya binadamu kwa hiyo kunahitajika uangalifu mkubwa.
MAELEZO YA ZIADA
TAARIFA YA KISHERIA Jumuiya za Ulaya (CEC) au Mpango wa Kimataifa kuhusu Usalama wa Kikemikali (IPCS) au mtu yeyote kwa niaba ya CEC au IPCS hatawajibika kwa matumizi ya maandishi haya.
© IPCS, CEC 2005