DICHLOROSILANE ICSC: 0442 Aprili 1997

Chlorosilane Silicon chloride hydride (silinda)

CAS # 4109-96-0 Cl2H2Si RTECS # VV3050000 Masi ya molekuli: 101.01 UN # 2189 EC #

AINA ZA HATARI / MFIDUO	MADHARA YA PAPO HAPO / DALILI	KINGA	HUDUMA YA KWANZA / UZIMAJI MOTO
MOTO	Huungua mno. Hutoa moshi (au gesi) wenye kukereketa au wenye sumu ukiwa motoni.	Usiwashe moto, usiwashe cheche, usivute sigara.	Funga ugavi; kama haiwezekani na hakuna hatari kwa mazingira, acha moto uwake hadi ujizime; ama sivyo zima kwa kutumia povu, poda.
MLIPUKO	Michanganyiko ya gesi/hewa hulipuka.	Mfumo funge, uingizaji hewa, na vifaa vya umeme na taa visivyolipuka.	Zima moto ukiwa mahali pa usalama.

MFIDUO		EPUKA MGUSANO WOWOTE!
Kuvuta pumzi	Kuumwa koo. Kikohozi. Mchomo. Kukosa pumzi. Kupumua kwa shida. Dalili zinaweza kuchelewa (tazama Vidokezo).	Uingizaji hewa, mtambo wa kutolea nje, au kinga ya kupumulia.	Hewa safi, mapumziko. Mkao wa nusu wima. Mpeleke kwa matibabu.
Ngozi	Maumivu. Wekundu. Malengelenge. Mibabuko ya ngozi. Jamidi kali.	Glavu za kuhami baridi. Mavazi ya kinga.	Suuza ngozi kwa maji mengi au oga. Mpeleke kwa matibabu.
Macho	Maumivu. Wekundu. Kuungua kunakopenya sana. Upofu.	Miwanivuli ya usalama, au kinga ya macho pamoja na kinga ya kupumulia.	Kwanza safisha macho vizuri kwa dakika chache (ondoa lenzi mboni kama inawezekana kuziondoa kwa urahisi), kisha mpeleke kwa daktari.
Kumeza

KUSAFISHA MWAGIKO	UFUNGASHAJI / UWEKAJI LEBO
Ondoka katika eneo la hatari. Shauriana na mtaalam. Uingizaji hewa. Kinga ya ziada ya binafsi: vazi linalokinga kemikali linalojumuisha kifaa binafsi cha kupumulia.	Usisafirishe pamoja na vyakula au malisho. Ainisho ya EU Ainisho ya UN Ainisho ya UN ya Hatari: 2.3 Jasara tanzu za UN: 2.1 na 8
HATUA ZA HARAKA	UHIFADHI
Kadi ya Dharura ya Usafiri: TEC(R) - 20G2TFC Msimbo wa NFPA : H 3; F 4; R 2; W	Isodhurika kwa moto. Weka katika chumba chenye uingizaji hewa mzuri.
IPCS International Programme on Chemical Safety Imetayarishwa katika muktadha wa ushirikiano kati ya Mpango wa Kimataifa kuhusu Usalama wa Kikemikali na Tume ya Jumuiya za Ulaya © IPCS, CEC 2005 TAZAMA TAARIFA MUHIMU ILIYO NYUMA

DICHLOROSILANE ICSC: 0442

DATA MUHIMU
HALI MAUMBILE; INAVYOONEKANA: GESI ISO RANGI, YENYE HARUFU TAMBULISHI. HATARI KWA MWILI: Gesi hii ni nzito kuliko hewa na huweza kusafiri ardhini, uwakaji wa mbali unawezekana. HATARI ZA KIKEMIKALI: Dutu hii huweza kuwaka papo hapo inapogusana na hewa. Dutu hii hutengana inapokanzwa au inapochomwa, huzalisha mafusho yenye sumu na babuzi kama vile kloridi hidrojeni. Humenyuka pamoja na maji au hewa unyevu kutoa kloridi hidrojeni. Hushambulia metali nyingi iwapo kuna maji. VIKOMO VYA MFIDUO WA KAZI (OELS): TLV haifahamiki	NJIA ZA MFIDUO: Dutu hii huweza kufyonzwa ndani ya mwili kwa kuvuta pumzi. HATARI ZA KUVUTA PUMZI: Ukolezi unaodhuru wa gesi hii hewani utafikiwa kwa haraka sana isipodhibitiwa. ATHARI ZA MFIDUO WA MUDA MFUPI: Inayotoza machozi. Dutu hii husababisha ulikaji kwa macho, ngozi na njia ya upumuaji. Kuvuta pumzi ya dutu hii kunaweza kusababisha uvimbe wa mapafu (tazama Vidokezo). Uvukizaji wa haraka wa kioevu huweza kusababisha jamidi. Mfiduo wa viwango vya juu huweza kuleta kifo. Athari zinaweza kuchelewa. Uchunguzi wa kitibabu unahitajika.
TABIA ZA KIMAUMBILE
Kiwango mchemko: 8°C Kiwango myeyuko: -122°C Umumunyifu katika maji: mmenyuko Kanieneo mvuke, kPa ifikapo 20°C: 163.6 Uzitowiani wa mvuke (hewa = 1): 3.48	Kiwango cha kumweka: -28°C c.c. Vikomo vya kilipukaji, % ujazo katika hewa: 4.1-99
DATA YA MAZINGIRA
VIDOKEZO
Dalili za uvimbe wa mapafu aghalabu hazijitokezi mpaka baada ya masaa kadhaa kupita, nazo hushitadi kwa kazi za sulubu. Hivyo mapumziko na uchunguzi wa kitibabu ni muhimu. Matumizi ajilani ya mnyunyuzio mwafaka unaotolewa na daktari au mtu aliyeidhinishwa naye yanahitajika.
MAELEZO YA ZIADA
TAARIFA YA KISHERIA Jumuiya za Ulaya (CEC) au Mpango wa Kimataifa kuhusu Usalama wa Kikemikali (IPCS) au mtu yeyote kwa niaba ya CEC au IPCS hatawajibika kwa matumizi ya maandishi haya.
© IPCS, CEC 2005